என்னதான் புரட்சிக் கவிஞன் பாரதியைத் துணைக்கு வைத்துக்கொண்டாலும் தமிழில் தொடர்ந்து நல்ல கருத்துக்களை, அனுபவங்களை, நான் படித்த புத்தகங்களை, பார்த்த படங்களை மற்றும் இந்த சூரியனுக்கு கீழே இருக்கும் எல்லா விஷயங்களையும் உங்களுடன் பகிர்ந்து கொள்வதில் உள்ள சிரமங்களை நினைத்தால், சற்று தயக்கமாகவே உள்ளது.
ஏன்? சொல்கிறேன். நடிகனுக்கு கைத்தட்டல் எவ்வளவு முக்கியமோ அவ்வளவு முக்கியம் ஒரு படைப்பாளிக்கு வரும் விமரிசனங்கள். என்னவோ எழுதுகிறான் பொழுது போகாமல், எதோ படித்துவிட்டு போவோம் அப்பால் என நினைக்காமல் சில நிமிடங்களை ஒதுக்கி எனக்கு நீங்கள் தரப்போகும் Horlicks தான் உங்களுடைய விமரிசனங்கள்.
ஏதேனும் நல்ல, சுவையான விஷயங்கள் எங்கேயிருந்தாலும் தேடிப்பிடித்து உங்களுடன் பகிர்ந்து கொள்ளலாம் என் ஒரு எண்ணம், இந்த விஷயத்தில் நீங்களும் எனக்கு உதவலாம்.
பாரதி, நீயே துணை. ஜெய்ஹிந்த்!
முதல் தீப்பொறி!
ஒவ்வொரு தொகுதியிலும் ஓட்டு கேட்டும் வரும்போது அந்தந்த தொகுதி மக்கள் எல்லாம் சேர்ந்து, ஒரு தைரியமான ஆண்/பெண் பினால் நின்று, அந்த வேட்பாளரிடம், "சரி, உங்களுக்கு ஓட்டு போடுகிறோம், ஆனால் வெற்றி பெற்ற கையோடு, நீங்கள் இந்தந்த வசதிகளை இந்த தொகுதிக்கு செய்கிறேன் என்று இந்த ஸ்டாம்ப் பேப்பரில் கையெழுத்திட்டு கொடுக்க முடியுமா?" என்று கேட்டு, கொடுத்தால் ஓட்டு, இல்லையென்றால் ஓடு என்று சொல்ல முடியுமா? சட்டப்படி இது சரியா? வல்லுனர்களே, உங்கள் கருத்து என்ன?
Subscribe to:
Post Comments (Atom)
No comments:
Post a Comment